Dia di Rincon

 

Kolaborashon – Dia di Rincon 2026

 

Dia di Rincon, selebrá riba 30 di aprel, ta un di e eventonan kultural di mas signifikante pa Boneiru. Nos ta selebrá e rikesa di tradishonnan, músika, baile i gastronomia di Rincon, e bario mas bieu di Boneiru.

Fundashon Herensia Kultural Rincon ta invitá kompanianan i organisashonnan pa kontribuí na preservashon di e herensia kultural aki via kolaborashon finansiero òf di material.

 

Oportunidatnan di Kolaborashon

 

Kolaborashon por tuma lugá na dos manera:

 

• Kolaborashon finansiero – via un kontribushon monetario.

• Kolaborashon material – via entrega di material, rekurso òf servisio ku ta kontribuí na e éksito di e evento.

 

Paketenan di kolaborashon i bentahanan

 

Kolaboradó Prinsipal – for di USD 5.000

 

• Ta risibí un área di 4m x 4m riba e tereno di evento kaminda por konstruí un espasio kultural.

• E konstrukshon aki mester kumpli ku e rekisitonan di Supervishon i Mantenshon (T&H) di e Entidat Públiko Boneiru (OLB).

• E kolaboradó por hasi aktividatnan promoshonal riba su propio inisiativa den e área asigná.

• E kolaboradó lo wòrdu menshoná prominentemente komo un Kolaboradó Prinsipal di Dia di Rincon riba:

  • e pantaya LED na e stage na Sentro di Bario (inkluso e posibilidat pa mustra un video promoshonal kòrtiku);

  • e bòrchinan di kolaboradó ku ta wòrdu pone na lugánan stratégiko.

• E kolaboradó por krea kontenido promoshonal di dia di Rincon, basta ku esaki ta den liña ku e balornan kultural i ambiental di e evento.

• Por kontribuí ku monetario òf "in naturá" (material, logístika, servisio, etc.)

 

​

Otro kolaboradónan (bou di USD 5.000)

 

• Lo wòrdu menshoná riba:

  • e pantaya LED kantu di e stage na Sentro di Bario (pa via di nan logo);

  • e bòrchinan di kolaboradó ku ta wòrdu pone riba lugánan stratégiko.

• Por kontribuí ku monetario òf "in naturá" (material, logístika, servisio, etc.)

 

Entrega di Material promoshonal

 

Tur kolaboradó mester entregá nan logo den high-resolution (i pa kolaboradónan prinsipal: nan video promoshonal) mas tardá 23 di aprel na e organisashon.

E material promoshonal mester kumpli ku e spesifikashonnan tékniko ku lo wòrdu duna pa e organisashon.

 

 

Kultural i Ekológiko

 

Tur kolaborashon i ekspreshon promoshonal mester kumpli ku e identidat i balornan kultural di Rincon; no kousa polushon adishonal (ningun material promoshonal ku lo wòrdu tira abou òf sushi di plèstik); wòrdu ehersé di forma sostenibel i konsiente di medio ambiente I kontribuí di forma positivo na promoshon di e kultura di Rincon.

 

Kondishonnan di Pago

E kontribushon finansiero mester ta mas tardá 20 di aprel riba e kuenta di:

Fundashon Herensia Kultural Rincon

(detaye di banko lo wòrdu duna despues di konfirmashon di partisipashon)

E kolaborashon ta wòrdu konsiderá komo konfirmá solamente despues di a risibí e pago òf e kontribushon material ku a keda akordá.

 

​

Responsabilidatnan di e kolaboradó

 

E fundashon no ta responsabel pa regla, konstrukshon òf manehá e tereno òf otro aktividatnan di kolaborashon. E kolaboradó mes ta responsabel pa e ehekushon, kumplimentu ku reglanan di seguridat i kualke pèrmit èkstra. Tur konstrukshon mester kumpli ku e stipulashonnan di Supervishon i Mantenshon (T&H) di OLB.

Inskripshon i Kontakto. Kompanianan interesá por inskribí nan mes dor di yena e formulario di kolaborashon i mand'é promé ku 1 di aprel. Despues e kolaboradó lo risibí mas informashon práktiko I kualke dokumento nesesario pa e proseso.

 

Esaki ta un kolaborashon, pues e ta bai den akuerdo ku tur dos partido envolvi. Si tin idea, proposishon of petishon, semper organisashon lo ta para habri pa hiba un kombersashon.

 

E-mail: info@diadirincon.org