E “scarf” aki ta sirbi komo un emblema  ku ta konmemorá 35 aña di selebrashon di Dia di Rincon. Su diseño ta kapturá e esensia di e okashonku diferente símbolo. 
 
Un bukèt vibrante, dòrna ku tapushi di maishi chikí, blachi di tamarein, flornan seku di pega saya, flornan di flamboyan, i kibrahacha. Kada elemento representando e alegria, prosperidat, i e abundansiakultural ku ta definí Rincon.
 
E bukèt ta para komo un homenage na kada habitante di Rincon, honrando nan kompromiso pa konservá nos herensia i kompartí esaki kuorguyo ku mundu. 
 
E kanchi komo base di e “scarf” ta representá e sabiduria di nosantepasado i e rant di kuadro ta simbolisá konservashon di kada faseta di nos komunidat i su hendenan.
 
E bandera di Rincon, ta simbolisá e union den e bario, kaminda nos tur ta bini huntu komo UN, kompartiendo lucha, meta i aspirashonnan. 
 
Kada pèrla ta sirbi komo un testimonio na e balor ku nos ta duna na nostradishonnan. Nan brio ta manera e forsa ku naturalmente ta presente den bario di Rincon, reflektando e historia i promesa di un futuro progresivo.
 
Miéntras nos ta bisti òf usa e “scarf” aki, laga nos no solamente selebrá e último 35 añanan, sino tambe mira dilanti ku speransa i determinashonpa sigui nutri nos kultura, fomentá union, i konservá e esensia di Rincon pa generashonnan pa bini.